Եգիպտոսի նախագահ Մոհամետ Մուրսիի ընդդիմախօսները երէկ արշալոյսին նախագահին դէմ կարգախօսներ
պարունակող պաստառներ բարձրացուցին նախագահական պալատին մօտ, իսկ ոստիկանութիւնը յաւելեալ
փշաթելեր եւ մեքենաներ զետեղեց Իթթիհատիյա պալատին առջեւ` առ ի պատրաստութիւն Ազգային
փրկութեան ճակատի երիտասարդական թեւին յայտարարած «Փրկութեան ուրբաթ»-ին: Երկրին տարբեր
մասերուն մէջ ցոյցեր տեղի ունեցան, իսկ նախագահական պալատին առջեւ ապահովութեան ուժերուն
եւ ցուցարարներուն միջեւ բախումներուն պատճառով 48 վիրաւորներ արձանագրուեցան: Ցոյցերը
կը զուգադիպին Փոր Սայիտի մէջ ֆութպոլի մրցումի ընթացքին 74 զոհ պատճառած խռովարարութիւններուն
առաջին տարելիցին: Նշենք, որ մէկ օր առաջ կարգ մը քաղաքական մեծ խմբաւորումներ բռնարարքները
դատապարտող համաձայնութիւն մը կնքեցին: